Rəşad Sadıqov: Lilli hamı tanıyır, amma biz özümüzə inanırıq
"Qəbələ"nin kapitanı Rəşad Sadiqov Avropa Liqasının üçüncü təsnifat mərhələsində qarşılaşacaqları Fransanın "Lill" klubu ilə barədə danışıb. Azerisport.az saytına açıqlamasında o, ötən gün keçirdikləri Macarıstanın MTK klubu ilə cavab görüşünə də toxunub:
"Çətin oyun alındı. MTK pis komanda deyil. Amma biz onlardan daha təcrübəli idik. Daha çox qol vura bilərdik. Sadəcə, ikinci hissədə ehtiyatlı oynamağa başladıq. Mərhələ keçdiyimiz üçün şadam. Qol vurub, rekordçu olmağı çox istəyirdim. Avrokuboklarda 8 qol vurmuşam. Amma UEFA onlardan birini saymayıb.
Növbəti mərhələdəki rəqibimizə gəlincə, Fransa klubunu hamı tanıyır. "Lill"i hələ analiz etməmişik. Amma bu rəqiblə oyuna əlavə motivasiya lazım deyil. "Lill" "Apollon", "Panatinaikos" deyil. Fransa klubu daha güclü rəqibdir. Amma biz özümüzə inanırıq".
