Slavço Georgiyevski: Ümid edirəm ki, Neftçi mərhələ keçəcək

"Neftçi"nin sabiq yarımmüdafiəçisi Slavço Georgiyevski Avropa Liqasının ikinci təsnifat mərhələsi çərçivəsində Makedoniya "Şkendiya"sına qarşı keçiriləcək cavab matçı öncəsi fikirlərini bölüşüb. Azerisport.az saytına açıqlamasında o, bunları söyləyib:

"İlk oyun öncəsi də demişdim ki, cütün taleyinə Makedoniyada aydınlıq gələcək. Hələ ilk oyunda hesab açıla bilərdi. Amma oyun qolsuz bitdi. İndi də matçın necə bitəcəyini, kimin mərhələ adlayacağını müəyyənləşdirmək çətindir. Amma təkrar bildirirəm ki, "Neftçi"nin Avroliqada mərhələ adlayacağına ümidliyəm. "Şkeniya"nın heyətində İbraimi və Hasani çox güclü oyunçudur. Onlar öz səviyyələrini ilk oyunda da göstərdilər. Amma onlara qarşı oynamaq olar".