Nakaş: Qarabağın oyununda problem var, bunu azarkeşlərin fitə basması da göstərdi

Lüksemburqun "Düdelanj" klubunun yarımmüdafiəçisi Kevin Nakaş Çempionlar Liqasının ikinci təsnifat mərhələsi çərçivəsində "Qarabağ"a qarşı keçirəcəkləri cavab oyunu öncəsi fikirlərini bölüşüb. Azerisport.az xəbər verir ki, o, yerli mətbuata açıqlamasında bunları söyləyib:

"Qarabağ" çox yaxşı komandadır. Güclü rəqiblə qarşılaşacağımızı bilirdik. Amma mən təəccübləndim. Onlar gözlədiyimdən də güclü idilər. Buna baxmayaraq, biz səfərdəki matçın ikinci hissəsində onlardan geri qalmadığımızı göstərdik. Hətta rəqib tribunalar bəzən fitə basırdılar. Bu da onların oyununda hansısa problemin olduğundan xəbər verir. Əlbəttə, cavab oyunu da çətin olacaq. Amma biz yaxşı hazırlaşmışıq. Fiziki cəhətdən də yüz faiz hazırıq. Şans var". (Le Quotidien)