Bonilya: Tondela Elnuru transfer etməklə doğru seçim edib
"Zirə"nin sabiq hücumçusu, hazırda Portuqaliyanın "Nasyonal" klubunun şərəfini qoruyan salvadorlu hücumçu Nelson Bonilya azərbaycanlı futbolçu Elnur Cəfərovun "Tondela"ya transferindən danışıb. Azerisport.az saytına açıqlamasında o, bunları söyləyib:
"Tondela"nın azərbaycanlı futbolçu ilə müqavilə bağladığını eşitmişəm. Bu xəbər mənim üçün də maraqlı oldu. Çünki Azərbaycanda çıxış etmiş bütün futbolçuları tanıyıram. Dostlarımın dediyinə görə, "Tondela" çox istedadlı oyunçu alıb. Onu "Xəzər Lənkəran"dan da yaxşı xatırlayıram. Çox texnikalı, ağıllı, sürətli futbolçudur. "Tondela" bu transferi həyata keçirməklə çox düzgün seçim edib. Portuqaliya çempionatında ona qarşı oynamaq maraqlı olacaq. Yəqin ki, o da məni meydanda tanıyacaq. Ona uğurlar arzulayıram".
