Brayan Meliss: Qarabağın kapitanı pressinq olan kimi topu itirirdi

Lüksemburqun "Düdelanj" klubunun müdafiəçisi Brayan Meliss ÇL-in ikinci təsnifat mərhələsi çərçivəsində "Qarabağ"a qarşı keçirəcəkləri cavab oyunu öncəsi yerli mətbuata müsahibə verib. Azerisport.az sizi həmin müsahibə ilə tanış edir.

- Dino Topmöllerin rəhbərliyi altında ilk rəsmi oyununuzla bağlı nə deyərdiniz?
- Öz oyunumdan çox da razı qalmadım. Çünki qapımıza təyin olunan penalti bizə çox təsir etdi. İlk yarıda bizə çox çətin idi. Bunun da nəticəsi kimi iki qol buraxdıq. Amma fasilədən sonra daha yaxşı oynadıq. Lakin bundan da yaxşı oynaya bilərik. Səbrsizliklə cavab matçını gözləyirik.

- Bütövlükdə, səfərdəki oyunu necə dəyərləndirərdiniz?
- Çətin startdan sonra biz nəniki özümüzə gəldik, hətta "Qarabağ"a çətin anlar da yaşada bildik. Rəqibin də çoxlu qol vəziyyəti olmadı. İkinci hissədə isə ümumiyyətlə onların belə hücumçunu xatırlamıram.

- Komandanız sürprizə inanır?
- Bəli, hər şey mümkündür. Onlar ilk oyunda bizdən yaxşı çıxış etdilər. Amma bizim bunun əvəzini çıxmaq imkanımız var.

- Azərbaycan klubunun hansı zəif cəhətləri var ki, bundan yararlanmağı düşünürsünüz?
- Mən hiss etdim ki, bizim futbolçular pressinq edən kimi, onların kapitanı (Rəşad Sadıqov) iki və ya üç dəfə topu itirdi. Məhz bunun nəticəsində təhlükəli vəziyyətlər yaratdıq. Mümkündür ki, bunu baş məşqçi də hiss etdi. Onların 20 nömrəsi isə (Riçard Almeyda) iki qol vurmaqla yanaşı, həm də göstərdiyi oyunla çox yaxşı futbolçu olduğunu göstərdi. Digərlərinin isə bizdən yaxşı olduğunu deməzdim.

- Səviyyə fərqi barədə nə deyərdin?
- Hiss olunur ki, onlar meydanda bir-birini yaxşı başa düşür. Amma bizim start heyətdə yen futbolçular çox idi. Baş məşqçi də təzədir.

- 2012-ci ildə Avstriya "Red Bull"una yaşatdığınızı "Qarabağ"a da göstərə biləcəksiniz?
- O dövrdəki kimi, indi də rəqibimizin bizdən güclü olduğunu deyirlər. Amma biz o zaman sürpriz edə bilmişdik. İndi də bunu çox istəyirik.

(Luxemburger Wort)