Hasani: Neftçi yenə favoritdir, amma futbolda pul hər şeyi həll etmir

Makedoniyanın "Şkendiya" klubunun kapitanı Ferhan Hasani Avropa Liqasının ikinci təsnifat mərhələsi çərçivəsində "Neftçi"yə qarşı keçirəcəkləri cavab oyunu (ilk oyun 0:0) öncəsi fikirlərini bölüşüb. Azerisport.az saytına açıqlamasında o, bunları söyləyib:

"Neftçi"nin güclü komanda, yaxşı futbolçularının olduğunu bilirdik. Rəqibin cinahda çıxış edən oyunçuları xüsusilə təhlükəlidir. Biz Bakıda qol buraxmamağa çalışırdıq. Hədəfimizə də çatdıq. Hər şey plan üzrə gedir. Baxmayaraq ki, ilk oyunun nəticəsi bizim üçün yaxşı şans yaratmır. Cavab matçının da çətin keçəcəyini bilirik. Fikrimi dəyişmirəm və yenə də "Neftçi"nin favorit olduğunu düşünürəm. Amma futbolda pul hər şeyi həll etmir. Bzi evdə qələbə qazanmalıyıq".