Maksim Medvedev: 2:0 yaxşı nəticədir

"Qarabağ"ın müdafiəçisi Maksim Medvedev Çempionlar Liqasının ikinci təsnifat mərhələsi çərçivəsində Lüksemburq "Düdelanj"ına qarşı keçirdikləri ilk oyunu şərh edib. Azerisport.az saytına açıqlamasında o, bunları söyləyib:

"Böyük fasilədən sonra çox çətin bir matç keçirdik. Göründüyü kimi, hələ pik formada deyilik. "Düdelanj"ın futbolçuları hücuma çox sürətli keçirlər. Biz onların hücumlarını neytrallaşdırmaq üçün çox əziyyət çəkdik. Komandamıza gəlincə, daha sürətli oynamağımız lazımdır. "Qarabağ" bunu bacarır. Ötürmələrdə də dəqiqliyi artırmaq lazımdır. Bütövlükdə, 2:0 yaxşı nəticədir. Səfərdə də Bakıdakı kimi oynasaq, mərhələ adlaya bilərik".