Qəbələ Macarıstandan qələbə ilə qayıdır
Bu gün Avropa Liqasının ikinci təsnifat mərhələsinin ilk oyunları keçirilib. Azerisport.az xəbər verir ki, Azərbaycanı qitənin nüfuzuna görə ikinci dərəcəli turnirində təmsil edən "Qəbələ" də növbəti matçına çıxıb.
Roman Qriqorçukun çalışdırdığı komandamız Macarıstan MTK-sı ilə qarşılaşıb. Təmsilçimiz ilk oyunu səfərdə keçirib.
İlk mərhələdə Gürcüstan "Samtredia"sını mübarizədən kənarlaşdıran (evdə 5:1, səfərdə 1:2) Qəbələ təmsilçisi üçüncü tura vəsiqə qazanmaq üçün səfərdən mütləq sərfəli nəticə ilə qayıtmalıydı. Matç qəbələlilər üçün yaxşı başlayıb. Hər hissədə bir qol vuran "Qəbələ" matçın sonlarında öz qapısından bir top buraxsa da, səfərdən qələbə ilə qayıtmağı bacarıb. Bu qələbə komandamızı üçüncü təsnifat mərhələsinə vəsiqə qazanmağa daha da yaxınlaşdırıb.
Qeyd edək ki, cavab görüşü bir həftə sonra Bakıda keçiriləcək.
Avropa Liqası
İkinci təsnifat mərhələsi, ilk oyun
14 iyul
MTK - “Qəbələ” - 1:2 (0:1)
Qollar: N.Kvekveskiri, 25 (0:1). F.Ozobiç, 63 (0:2). Ş.Torqelle, 70 (1:2).
Matçın 15-ci dəqiqəsində MTK-nın futbolçusu Y.Konto penaltidən yararlana bilmir (qapıçı).
Sarı vərəqə: D.Gero, 26. B.Beşe, 40. V.Stankoviç, 49.
Baş hakim: Boyan Pandjiç (İsveç).
Dyer. “Dyirmot” stadionu.
MTK: 1. Loyoş Heqeduş, 4. Akoş Baki, 5. Mato Qrqiç, 9. Darko Nikaç (27. Sobolts Varqa, 65), 14. Şandor Torqelle, 18. Bornobaş Beşe, 19. Yojef Konto (k), 24. Patrik Poor, 30. Balint Borbey (10. Lorand Sotmari, 74), 33. Daniel Gero (12. David Yakob, 78), 38. Adam Voşş.
Ehtiyat oyunçular: 28. Federiko Qroppioni, 3. Bentse Doyç, 13. Adam Xrepko, 21. Draqan Vukmir.
Baş məşqçi: Vasilis Teodoru.
"Qəbələ": 22. Dmitri Bezotosnı, 3. Voyislav Stankoviç, 6. Rəşad Sadiqov (k), 7. Nika Kvekveskiri, 9. Sergey Zenyov, 15. Vitali Vernidub, 17. Məhəmməd Mirzəbəyov, 18. Baqali Dabo (11. Asif Məmmədov, 86), 19. Filip Ozobiç, 20. Rikardinyo, 27. Teo Uiks.
Ehtiyat oyunçular: 33. David Petrkeviç, 4. Elvin Camalov, 13. Murad Musayev, 34. Ürfan Abbasov, 44. Rafael, 88. Tellur Mütəllimov.
Baş məşqçi: Roman Qriqorçuk.
