Slavço Georgiyevski: Makedoniyalı olsam da, Neftçiyə azarkeşlik edəcəm
"Neftçi"nin sabiq makedoniyalı yarımmüdafiəçisi Slavço Georgiyevski Avropa Liqasının ikinci təsnifat mərhələsində ölkəsinin "Şkendiya" klubuna qarşı oyunlar öncəsi fikirlərini bölüşüb. Azerisport.az saytına açıqlamasında o, bunları söyləyib:
"Hər iki komanda üçün çətin oyun olacaq. Hər iki komanda hücum futbolu oynamağı xoşlayır. Makedoniya təmsilçisi hücum futbolu, açıq oyun sərgilədiyini dəfələrlə göstərib. Həm evdə, həm də səfərdə qol vurmağı bacarır. "Neftçi"nin heyətində gənc futbolçular üstünlük təşkil edir. Komanda çalışır. Makedoniyalı olsam da, "Neftçi"yə azarkeşlik edəcəyəm. Amma kimin mərhələ adlayacağını demək mənə çətindir. Ümid edirəm ki, Bakı təmsilçisi mərhələ keçər. "Neftçi"nin azarkeş problemi olmayacaq, cavab oyununda onları mən dəstəkləyəcəyəm (gülür).
