Əfran İsmayılov: Düdelanj Bakıda bizdən bir qədər qorxurdu
"Qarabağ"ın yarımmüdafiəçisi Əfran İsmayılov UEFA Çempionlar Liqasının ikinci təsnifat mərhələsi çərçivəsində Lüksemburq "Düedelanj"ına qarşı keçirdikləri ilk oyundan (2:0) sonra fikirlərini bölüşüb. Azerisport.az saytına açıqlamasında o, bunları söyləyib:
"Oyun çətin və maraqlı alındı. Bu, bizim yeni mövsümdə ilk rəsmi oyunumuz idi. Ona görə belə çətinliklərin olması normaldır. Həm fiziki, həm də topa sahib olmaq baxımından problemlərin olacağını bilidik. Əsas odur ki, qələbə qazandıq. Amma bu hesabı unutmalı və cavab görüşünə hazırlaşmalıyıq. Rəqib çox aqressiv komandadır. Onlar doğma meydanda daha sərt mübarizə aparacaqlar. "Düdelanj"ın xüsusilə hücum xəttini və sağ cinahını xüsusi qeyd edərdim. Onlar burada bizdən bir qədər qorxurdular, ama evdə heç nədən qorxmayacaqlar".
