Aslan Kərimov: Ramil Şeydayev millimizə hazır gəlməlidir
Azərbaycan yığmasının sabiq kapitanı Aslan Kərimov Ramil Şeydayevin millimizdə çıxış etmək istəyinə düşməsinə münasibət bildirib. Azerisport.az saytına açıqlamasında o, bunları söyləyib:
"Ramil perspektivli futbolçudur. Onun yığmamıza faydalı olub olmaması yalnız futbolçunun özündən, klubunda necə oynamasından asılıdır. "Trabzonspor"da mütəmadi oynasa, bizim üçün sərfəli olar. Türkiyə çempionatı Rusiya birinciliyindən güclüdür. Amma oynamasa, daha çox ehtiyatda qalsa, biz bundan heç bir fayda gözləyə bilmərik. Bəli, Avropa çempionudur, "Zenit"in yetirməsidir. Amma bu faktlar bizə, yığmamıza heç nə qazandırmır. Ramil yığmamıza hazır gəlməlidir. Türkiyədəki işləri yaxşı getsə, bizim də yaxşı hücumçumuz olacaq. Onun üçün Türkiyə çempionatı çox faydalı olacaq".
