Deyv Turpel: Qarabağa qarşı ağıllı oynasaq, nəsə edə bilərik
UEFA Çempionlar Liqasının ikinci təsnifat mərhələsi çərçivəsində Azərbaycan çempionu "Qarabağ"ın qonağı olacaq Lüksemburqun "Düdelanj" klubunun hücumçusu Deyv Turpel yerli mətbuatın bəzi suallarını cavablandırıb. Azerisport.az sizi həmin müsahibə ilə tanış edir.
- Rəqib barədə nə bilirsiniz?
- Rəqibin topla yaxşı oynadığını, texnikalı komanda olduğunu bilirik. Oyunlarının videosuna baxmışıq.
- Bu komandaya qarşı uğur əldə edə bilərsiniz?
- Fikrimcə, favorit onlardır. Bunun heç müzakirəyə də ehtiyacı yoxdur. Sadəcə, onların son mövsümlərdə qazandığı nəticələrə baxmaq kifayətdir. Amma ağıllı oynasaq, matça yaxşı köklənsək, nəsə edə bilərik. Bütün mövsümü də məhz belə oyunlara hazır olmaq üçün çalışmışıq.
- "Düdelanj"ı ötən mövsümlə müqayisədə indi daha güclü saymaq olar?
- Hazırda bu suala cavab verə bilmərəm. Bunun üçün müəyyən vaxt lazımdır. Amma mənə elə gəlir ki, zaman keçdikcə biz daha yaxşı oynayacağıq.
- Momar N`Diaye ilə oynamaq necədir?
- Məşqlərdə bir-birimizi daha yaxşı başa düşmək üçün çalışırıq. Çoxlu söhbət edirik. Asan olmayacaq, amma indi də pis deyil.
- Debüt matçını keçirəcək baş məşqçi Dino Topmöller Mişel Lefloşmoandan çoxmu fərqlənir?
- Bəli, fərqlidirər. Siz özünüz də gəlib oyunlarımıza baxa bilərsiniz. Hər məşqçinin öz metodu olur.
- Sizin "Şarlerua"ya keçəcəyiniz deyilirdi...
- İmkan var idi. Amma gördüyünüz kimi, hazırda buradayam.
lequotidien
