Elmar Baxşiyev: Qəbələnin yeni transferləri zamanla daha yaxşı çıxış edəcək

"Qəbələ"nin sabiq yarımmüdafiəçisi Elmar Baxşiyev keçmiş komandasının avrokubokların yeni mövsümündəki çıxışına münasibət bildirib. Azerisport.az saytına açıqlamasında o, bunları söyləyib:

"Qəbələ" Gürcüstan "Samtredia"sını yaxşı oyun sayəsində keçdi. Komandamız cütün taleyini elə Bakıda həll etdi. Səfərdə də pis oynamadılar. Növbəti mərhələdəki rəqib Macarıstan MTK-sıdır. Bu komanda "Samtredia"dan daha güclüdür. İlk oyunun səfərdə olacağını nəzərə alsaq, sərfəli nəticəyə nail olmaq lazımdır. Macarlar güc futboluna üstünlük verirlər. "Qəbələ" isə öz oyununu sərgiləməyə çalışmalıdır. Yenilərdən Teo Uikslə Filip Ozobiçin çıxışını xüsusi qeyd edərdim. Dabo da güclü futbolçudur. Zamanla onlar daha güclü çıxış edəcəklər".