Joze Alesio: Azərbaycan millisi iki yaxşı oyunçu ilə gücləndi

Azərbaycanın futzal üzrə yığma komandasının sabiq baş məşqçisi Joze Alesio son dövrlər millimizdə baş verən dəyişikliklərə münasibət bildirib. Azerisport.az saytına açıqlamasında o, bunları söyləyib:

"Miltinyo təcrübəli məşqçidir. Bunu öncə də demişdim. Biro Jadenin məşqçi kimi komandaya cəlb olunması da yaxşıdır. Azərbaycan yığmasına köməyi dəyəcək. Yaxşıdır ki, Biro Jade rus dilində də danışa bilir. Bu üzdən də o, yığma üzvləri ilə dil tapa biləcək. Həm yığma üzvlərini yaxşı tanıyır, həm də "Araz"ı. Milliyə cəlb olunan yeni oyunçular - Bonilya ilə Telles də yaxşı futbolçudur. Onları Braziliyada da yaxşı tanıyırlar. Fikrimcə, onlar da həm "Araz"a, həm də yığmaya faydalı olacaqlar. Azərbaycan yığması iki yaxşı oyunçu ilə gücləndi".