Şahin Diniyev: Növbəti rəqibimiz bizdən daha güclüdür
"Kəpəz"in baş məşqçisi Şahin Diniyev Avropa Liqasının birinci təsnifat mərhələsi çərçivəsində Moldova "Daçiya"sına qarşı keçirdikləri səfər oyununu (1:0, ilk oyun 0:0) şərh edib. Azerisport.az xəbər verir ki, təcrübəli mütəxəssis tarixi zəfərlə bağlı öncə bunları söyləyib:
"İnanıram ki, oyuna baxanlar peşman olmadı. Rəqib güclü komanda idi. Yetirmələrim ağıllı oynadı. Verdiyim tapşırıqları yerinə yetrdilər. Cinah hücumları uğurlu alındı. Futbolçular topla çox yaxşı rəftar etdi. Müdafiənin mərkəzində möhkəm oynayıb, əks-hücumlara bel bağlamışdıq, bu da öz bəhrəsini verdi. Yaxın günlərdə 50 yaşım olacaq. Həyatımın ən böyük uğurunu qazandım".
"İştah diş altındadı. Komandanın içində deyilsiniz, problemlərimiz var. Minumum güclə maksimumu yerinə yetiririk. Tarix yazmışıq. Reallıq budu ki, növbəti rəqibimiz bizdən güclüdü. Amma bura kimi gəlmişiksə, mərhələni adlamağa çalışacağıq. Sonda rəqibin meneceri Adlan Şişxanova da təşəkkür edirəm. Əsl kişidi".
