Elnur Cəfərov Portuqaliya klubunda

Azərbaycanın gənclərdən ibarət yığmasının hücumçusu Elnur Cəfərov özünə yeni klub tapıb. Azerisport.az xəbər verir ki, 19 yaşlı futbolçu Portuqaliyanın "Tondela" komandasına keçib.

Futbolçumuz yeni klubu ilə bir illik müqavilə imzalayıb. "Tondela"nın Portuqaliya çempionatının yüksək liqasında çıxış etdiyini də qeyd edək.

Qeyd edək ki, Cəfərov daha öncə İspaniyanın "Real Ovyedo" klubunda baxışda olmuşdu və bu yay sözügedən komandaya keçəcəyi gözlənilirdi. Elnurun son klubu isə "Xəzər Lənkəran" olub.