Adlan Şişxanov: Kəpəz heç nə ilə təəccübləndirmədi
Moldovanın "Daçiya" klubunun prezidenti Adlan Şişxanov Avropa Liqasının birinci təsnifat mərhələsi çərçivəsində "Kəpəz"ə qarşı keçirdikləri ilk oyunu şərh edib. Azerisport.az xəbər verir ki, o, qolsuz bitən görüşdən sonra bunları söyləyib:
"Onu deyə bilərəm ki, "Kəpəz" heç nə ilə təəccübləndirmədi. Avrokuboklar üçün darıxmış bu komandanın meydanda bütün gücünü qoyacağını düşünürdüm. Səfərdə oynayırdıq. Uduzmadıq. Bu, kifayət qədər müsbət nəticədir. Əlbəttə, hər oyunda qələbə üçün çalışırıq. Amma avrokubok mübarizəsi iki oyundan ibarətdir. Doqquz gün sonra daha bir görüşə çıxacağıq. İlk yarıda meydanın mərkəzində tez-tez top itirirdik. Məhz bunun sayəsində "Kəpəz" bizə çox çətinlik yaşatdı. Ona görə bəzi dəyişikliklər etdik. İkinci oyundan ancaq qələbə gözləyirik. Amma rəqibə də hörmətlə yanaşırıq. Növbəti mövsümlərdə də avrokuboklarda oynamalarını arzulayırıq". (CBC)
