Qarabağ Avstriya klubuna uduzdu
Avstriyada təlim-məşq toplanışında olan Azərbaycan çempionu "Qarabağ" bu gün hazırlıq prosesi çərçivəsində ilk yoxlama oyununa çıxıb. Azerisport.az xəbər verir ki, Ağdam klubu yerli "Vakker" komandası ilə qarşılaşıb.
Görüş Avstriya təmsilçisinin minimal hesablı qələbəsi ilə başa çatıb.
Yoxlama oyunu
25 iyun
"Qarabağ" - "Vakker" - 0:1 (0:1)
"Qarabağ": 12. Şahruddin Məhəmmədəliyev, 32. Elvin Yunuszadə, 18. İlqar Qurbanov, 23. Elgün Uluxanov, 33. Eltun Turabov, 34. Salman Cəfərov, 15. Rahid Əmurquliyev, 67. Əlhərbi Əl Jadeuyi, 77. Cavid Tağıyev, 22. Əfran İsmayılov, 11. Mahir Mədətov.
Ehtiyat oyunçular: 13. İbrahim Şehiç, 55. Bədavi Hüseynov, 5. Maksim Medvedev, 14. Rəşad Sadıqov, 21. Arif Daşdəmirov, 2. Qara Qarayev, 20. Riçard Almeyda, 99. Dani Kintana, 8. Migel Madera, 9. Reynaldo Silva, 10. Muarem Muarem.
"Vakker": 1. Qrünvald Paskal, 3. Pişler Harald, 7. Hauser Aleksander, 9. Pişlman Tomas, 10. Samuel Yurgen, 11. Roman Kerşbaum, 16. Freytag Xristof, 17. Şimpelsberger Mişel, 18. Yamniq Floriyan, 20. Baumqartner Dominik, 33. Holnşteyn Klaudio.
Ehtiyat oyunçular: 5. Lerşer Mişel, 6. Kobleder Xristof, 8.Hölzl Andres, 14. Augustin Mişel, 15. Hamzik Armin, 21. Qründler Aleksandr, 22. Hesina Marko, 23. Tekir Rami, 25. vedl Lukas, 26. Pirkl Simon, 27. Veyskoff Julian, 28. Siller Sebastian, 31. Kalinoviç Hisel, 77. Rieman Aleksandr
Oyun başladı.
5. Qarşılama start götürən kimi Kössen qəsəbəsində güclü yağış da başladı.
13. Oyunun ilk təhlükəli epizodunu "Qarabağ" yaratdı. Salman Cəfərov iki dəfə təhlükəli həmlə etsə də, top qapıya getmədi.
18. Şahruddin Məhəmmədəliyev rəqibin cərimə zərbəsini çətinlik çəkmədən dəf edir.
23. İlqar Qurbanovun sağ cinahdan asmasını Mahir Mədətov baş zərbəsi ilə tamamlayır. Ancaq top qapıdan aralı keçir.
25. Rəqib ilk təhlükəli epizodunu 18 nömrəli futbolçusu Yamniq Floriyanla yaradır, ancaq Şahruddin dəqiq oynayır.
30. Yarım saatın tamamında hesab açılmayıb.
32. Rəqib cərimə zərbəsindən sonra qapıya başla zərbə endirir. Lakin top çərçivənin üzərindən keçir.
38: İlqar Qurbanov zədələnərək yerdə qalır. Həkimlər tərəfindən tibbi müdaxilə edilir.
40. "Qarabağ" Mahir Mədətovla daha bir epizod yaradır. O, sol cinahdan cərimə meydançasına daxil olaraq zərbə endirir, top qapıdan yan keçir.
41. "Vakker" hesabı açır. Yamniq Floryan topu çərçivəyə göndərir - 0:1.
İlk hissə başa çatdı.
İkinci hissə başladı.
46. "Qarabağ"ın heyətində bütün futbolçular əvəzləndi. İbrahim Şehiç, Rəşad Sadıqov, Bədavi Hüseynov, Arif Daşdəmirov, Maksim Medvedev, Qara Qarayev, Migel Madera, Dani Kintana, Riçard Almeyda, Muaem Muarem və Reynaldo artıq meydandadır.
57. Reynaldo sarı vərəqə alır.
67. Maksim Medvedev hesabı bərabərləşdirmək üçün şans əldə etsə də, topu istədiyi kimi ram edə bilmədi.
68. Dani Kintananın yerinə yetirdiyi cərimə zərbəsində top azacıq qapıdan aralı keçir.
70. Daninin cərimə meydançasına ötürməsi zamanı son anda rəqibin qapıçısı topa sahib çıxır.
74. Reynaldo qapıçı ilə təkbətək qalsa da, bu şansdan yararlana bilmədi.
83. Çoxgedişli kombinasiyanı Maksim Medvedev zərbəylə tamamlaya bilmədi.
86: "Qarabağ" daha bir cərimə zərbəsi yerinə yetirdi, lakin bu dəfə də hesab dəyişmir.
89. Rəşad Sadıqovun zərbəsi qapıdan yan keçir.
Matç başa çatdı.
