Kəpəzdən azarkeşlərinə jest
UEFA Avropa Liqasının birinci təsnifat mərhələsində Moldova “Daçiya”sı ilə qarşılaşacaq "Kəpəz" azarkeşlərinə müraciət ünvanlayıb. Azerisport.az xəbər verir ki, müraciətdə bunlar qeyd olunub:
"UEFA Avropa Liqasının birinci təsnifat mərhələsində Bakıda keçiriləcək “Kəpəz” – “Daçiya” oyununa Gəncədən getmək istəyənlər bu gündən başlayaraq iyunun 27-i, saat 18:00-a qədər qeydiyyatdan keçməli (fanklub üzvləri rəhbərlərinə bildirməli, digər azarkeşlər isə bu nömrələrə (Elşən, 055 511 47 57), (Zamiq, 055 414 22 34), (Elmar, 055 414 21 33) məlumat verməli, iyunun 28-də, saat 12:30-da isə Gəncə şəhər stadionunun kassalarının qarşısında olmalıdılar.
“Kəpəz” PFK-nın Müşahidə Şurasının rəhbərliyi tərəfindən pulsuz olaraq ayrılan avtobuslara minmək üçün əvvəlcə oyuna bilet alınmalıdır. Qiyməti 1 manat ( VİP 5 manat) olan biletlər stadionun kassalarında satılacaq".
