Rüfət Dadaşov Almaniyada klub dəyişdi

Azərbaycan yığmasının sabiq hücumçusu Rüfət Dadaşov iş yerini dəyişib. Azerisport.az xəbər verir ki, son mövsümü Almaniya Regional Liqasında çıxış edən "Germaniya Halberştadt"da keçirən futbolçumuz bundan sonra "Moyzelvits"də top qovacaq.

Maraq üçün qeyd edək ki, "Moyzelvits" də Şimal-Şərq Regional Liqasında çıxış edir. "Germaniya Halberştadt" son mövsümü 18 klub arasında 17-ci pillədə başa vurub, aşağı liqaya yuvarlansa da, "Moyzelvits" 14-cü olub.

Komandanın baş məşqçisi Heyko Veberdir. Dadaşovun məhz onun istəyi ilə transfer edildiyi bildirilir.