Tural Axundov: Daçiyaya qarşı mübarizə aparmaq bizə çətin olacaq
"Kəpəz"in kapitanı Tural Axundov Avropa Liqasının birinci təsnifat mərhələsində Moldova "Daçiya"asına rəqib olmalarından danışıb. Azerisport.az saytına açıqlamasında o, bunları söyləyib:
"Rəqibimiz Moldovanın ən yaxşı klublarından biridir. Bu komanda barəsində eşitmişəm, "Şerif"lə oyununa da baxmışam. Onlara qarşı mübarizə aparmağın bizim üçün çətin olacağını bilirəm. Avropa Liqasında zəif rəqib yoxdur. Amma komandamızda hər kəs "Daçiya"nı keçməyimizi istəyir.
Türkiyədəki iki yoxlama oyununa (0:0, 5:0) gəlincə, ilk oyunda bir qədər çətin oldu. Çünki gündüz iki dəfə fiziki hazırlıq keçmişdik. Amma ikinci oyunda qələbə qazana bildik. Yoxlama oyunu da olsa, qələbə qazanmaq xoşdur. "Daçiya" ilə oyuna qədər daha bir yoxlama oyunumuz olacaq. O vaxta qədər komandamızın formalaşacağını düşünürəm".
