Millimiz Makedoniyaya penaltilər seriyasında uduzdu

17 yaşadək qızlardan ibarət Azərbaycan yığması Makedoniyanın Skopye şəhərində təşkil olunan UEFA İnkişaf turnirində iştirak edir. Azerisport.az xəbər verir ki, millimiz bu gün turnirdə ilk matçına çıxıb.

Rəqib meydan sahibi Makedoniya olub. Qarşılaşmanın əsas vaxtı 2:2 hesabıyla başa çatıb. Qalibi müəyyənləşdirmək üçün penalti zərbələri yerinə yetirilib. Daha dəqiq oynayan makedoniyalılar 4:2 hesabıyla qalib gəliblər.

Qeyd edək ki, millimiz növbəti matçını iyunun 18-də Xorvatiyaya qarşı keçirəcək.