Tural Axundov: AFFA-nın qərarına hörmətlə yanaşmaq lazımdır

"Kəpəz"in kapitanı Tural Axundov Premyer Liqanın yeni mövsümündə cəmi 8 klubun mübarizə aparmasının dəqiqləşməsinə münasibət bildirib. Azerisport.az saytına açıqlamasında o, bunları söyləyib:

"Əlbəttə, Premyer Liqada 12 klub mübarizə aparsaydı, daha yaxşı olardı. Amma AFFA belə qərar qəbul etdi və ona hörmətlə yanaşmalıyıq. Eyni komandalarla tez-tez qarşılaşmaq bezdirici olmayacaq. Sadəcə, oyun sayının az olması pisdir".

Axundov "Kəpəz"in sıralarına qoşulan portuqaliyalı futbolçulardan - Serjinyo və Renane Alveşdən də danışıb: "Onların hər ikisi peşəkardır. Bunu məşqlərdən də görmək olur. Çox ümid edirəm ki, onlar "Kəpəz"ə faydalı olacaqlar".