Kərim Diniyev: Avroliqadakı potensial rəqiblərin əksəri bizdən güclüdür

"Kəpəz"in müdafiəçisi Kərim Diniyev avrokuboklar öncəsi fikirlərini bölüşüb. Azerisport.az saytına açıqlamasında o, bunları söyləyib:

"Son mövsüm "Kəpəz" üçün uğurlu keçdi. Biz avrokuboklarda oynamaq hüququ qazandıq. Mövsüm bitəndən sonra bəzi futbolçular komandadan ayrıldı. Amma inanıram ki, yeni gələnlər komandaya kömək edəcəklər. Mən də klubla yeni müqavilə imzaladım və komandama faydalı olmağa çalışacağam. Avropa Liqasındakı potensial rəqiblərimizin əksəri bizdən güclüdür. Amma bizim gücümüzə görə olan rəqiblər də var. Hər şey bəxtdən asılıdır. Azərbaycan və Gəncə naminə əlimizdən gələni edəcəyik".