Ramin Quliyev Qəbələnin əsas komandasında
“Qəbələ”nin məşqçilər korpusunda dəyişiklik edilib. Azerisport.az xəbər verir ki, ötən mövsüm Azərbaycan çempionu tituluna yiyələnən əvəzedicilərin baş məşqçisi olan Ramin Quliyev klubdakı fəaliyyətini əsas komandada davam etdirəcək.
Əvəzedicilərədək akademiyanın aşağı yaş qruplarından olan komandalarında da çalışmış 35 yaşlı mütəxəssis “qırmızı-qaralar”ın məşqçisi təyin olunub.
Bunadək Roman Qriqorçukun başçılıq etdiyi məşqçilər korpusunda yer alan Mixaylo Savka və Stepan Matveyevin “Qəbələ”dəki fəaliyyəti başa çatıb. 2015-ci ilin yanvarından klubumuzda çalışan ukraynalı məşqçilər ailə vəziyyəti ilə əlaqədar əsas komandadan ayrılıblar.
“Qəbələ” İdman Klubu Mixaylo Savka və Stepan Matveyevə komandadakı fəaliyyətinə görə təşəkkür edib, gələcək karyerasında yeni-yeni uğurlar arzulayıb. (klub saytı)
