Şəhriyar Rəhimov: Ümid edirəm ki, püşkatmada bizə zəif rəqib düşəcək

"Kəpəz"in müdafiəçisi Şəhriyar Rəhimov komandasının avrokuboklardakı şansları barədə danışıb. Azerisport.az saytına açıqlamasında o, bunları söyləyib:

"Mövsüm bizim üçün uğurlu alındı. Avrokuboklara vəsiqə qazandıq. İnanıram ki, məşqçilər korpusu komandadan gedən futbolçuların yerini doldura biləcək. Avropa Liqasında mərhələ adlamaq üçün əlimizdən gələni edəcəyik. Hər şey rəqibimizin hansı komanda olmasından asılıdır. Ümid edirəm ki, bizə püşkatmada zəif rəqib düşəcək".