Kazbek Tuayev: Premyer Liqanın formatı ilə bağlı çoxlu fikir ayrılığı var

AFFA İcraiyyə Komitəsinin üzvü Kazbek Tuayev bu gün baş tutan iclasla bağlı fikirlərini bölüşüb. Azerisport.az saytına açıqlamasında o, bunları söyləyib:

"Gənclərdən ibarət yığma komandaların, futzal və çimərlik futbolu üzrə millilərin baş məşqçilərini təsdiqlədik. Qalan bütün vaxtı Premyer Liqanın növbəti mövsümünün hansı formatda, neçə klubla keçirilməsinə dair müzakirələrə həsr etdik. Saatyarım mübahisə etdik, amma bir qərara gələ bilmədik. Qərarı sonra qəbul edəcəyik. Çünki bu məsələ ilə bağlı çoxlu fikir ayrılıqları mövcuddur. 8 komanda ilə oynamağı təklif edənlər də oldu, 10 komanda ilə oynamağın tərəfdarları da".