Amil Yunanov Sumqayıt ilə yeni müqavilə imzaladı

2016/2017 futbol mövsümü üçün ilk olaraq Fərhad Vəliyevi heyətinə qatan "Sumqayıt" Futbol Klubu heyəti komplekləşdirmək üçün çalışmalarını davam etdirir. Azerisport.az xəbər verir ki, komandanın əsas hücumçusu olan Amil Yunanov klubla müqavilə müddətini yeniləyib. 23 yaşlı futbolçu "Sumqayıt" FK ilə müddəti 2018-ci ilə qədər olan sazişə imza atıb.

Qeyd edək ki, Amil Yunanov 2015/2016 mövsümündə "Sumqayıt" FK-nın heyətində Premyer Liqada ümumilikdə 26 qarşılaşmada (1509 dəqiqə) meydana çıxıb və rəqib qapılarından 12 top keçirib. Bu göstərici ilə adıçəkilən futbolçu ötən mövsüm komandasının ən sərrast futbolçusu olub. (klub saytı)