Əfran İsmayılov: Andorra və Makedoniya ilə oyunlardan sonra üzərimizdə təzyiqlər var idi

Azərbaycan yığmasının yarımmüdafiəçisi Əfran İsmayılov Avstriya toplanışı çərçivəsində Kanadaya qarşı keçirilmiş yoxlama oyununu şərh edib. Azerisport.az xəbər verir ki, o, 1:1 hesablı heç-heçə ilə bağlı bunları söyləyib:

"Çətin oyun oldu. Amma belə olacağını bilirdik. Andorra ilə heç-heçə, Makedoniyaya məğlubiyyətdən sonra üzərimizdə təzyiqlər var idi. Baxmayaraq ki, bunlar sınaq matçlarıdı, ancaq tələblər böyük idi. Xoşbəxtlikdən, bu dəfə öz oyunumuzu sərgiləməyi bacardıq. Baş məşqçi də həmişə deyir ki, öz oyununuzu oynasanız, istənilən rəqibə qarşı mübarizə apara bilərsiniz. Rəqib də güclü komandadı, bir neçə üzvü yaxşı klublarda çıxış edir. Ancaq başabaş mübarizə apardıq, hətta deyərdim ki, qol şanslarımız daha çox idi. Əsas odu ki, məğlub olmadıq. Bizim üçün təcrübə qazanmaq baxımından əhəmiyyətli oyun oldu. Toplanış əla keçdi. Üç hazırlıq matçı keçirdik. Mərhələli şəkildə oynadıq. Zəif rəqibdən güclüyə doğru. Getdikcə "artırdıq". Gənc heyət olmasına baxmayaraq, uğurlu toplanış olduğunu düşünürəm".