Maşado Nilson: Miltinyo Azərbaycan yığması ilə uğur qazana biləcək
Futzal üzrə Azərbaycan yığmasının braziliyalı sabiq üzvü Maşado Nilson həmyerlisi Miltinyonun komandamıza baş məşqçi təyin olunmasına münasibət bildirib. Azerisport.az saytına açıqlamasında o, bunları söyləyib:
"O, Braziliyada tanınmış mütəxəssisdir. Bir neçə dəfə Super Liqanın qalibi olub. İki il Rusiyada işləyib. Bu müddət ərzində ölkə kubokunu qazanıb. Fikrimcə, o, Azərbaycan yığmasında da uğur qazana biləcək. Amma nə dərəcədə uğurlu olacağı uyğunlaşma prosesindən də asılıdır".
Maşado Miltinyonun köməkçisi kimi çalışmaq ehtimalından da söz açıb: "Mənə bu barədə konkret təklif edən olmayıb. Amma bu və ya digər oyunçularla bağlı mənimlə məsləhətləşirlər. Çünki Braziliya çempionatını izləyirəm. Belə bir təklif olsa, razılaşaram. Azərbaycan mənim ikinci vətənim kimidir".
