Marin Orsuliç: Ümid edirəm ki, XL dağılmayacaq

"Xəzər Lənkəran"ın sabiq futbolçusu Marin Osruliç bu komandanın böyük futbolu tərk etməsinə münasibət bildirib. Azerisport.az saytına açıqlamasında o, bunları söyləyib:

"Bu barədə eşitmişəm. Amma inanmaq istəmirdim. Bu klubda fəaliyyət göstərmək üçün ən yaxşı şərait var idi. Yaxşı stadionu, bazası, maliyyə imkanları var idi. Bu klub daim xatirimdə qalacaq. Mən təkcə bu klubu yox, həm də yerli xalqı sevmişdim. Onlar məni elə qarşılamışdılar ki...

İndiki komandam - Kipr "Omoniya"sı da ağ-yaşıl rənglərə üstünlük verir. Kiprdə də elə fəal azarkeşlər var. Ümid edirəm ki, "Xəzər Lənkəran" dağılmayacaq və yenidən yaxşı günlərinə qayıdacaq".