Yığmamız Makedoniyaya uduzdu
Avstriyada təlim-məşq toplanışında olan Azərbaycan yığması bu gün ikinci yoxlama oyununa çıxıb. Azerisport.az xəbər verir ki, Robert Prosineçkinin çalışdırdığı millimiz bu dəfə Makedoniya ilə üz-üzə gəlib.
Üç gün öncə Andorra ilə qolsuz bərabərliyə razılaşan "ay-ulduzlularımız" bu dəfə qələbə ümidindəydi. Amma komandamızın bu istəyinə yenə də çata bilməyib.
Makedoniyalılar ilk yarının ortalarına qədər artıq 2 cavabsız qolla önə keçiblər. 73-cü dəqiqədə əllə oyuna görə rəqib qapısına təyin olunan penaltini dəqiq yerinə yetirən Əfran İsmayılov hesab arasındakı fərqi azaldıb. Amma komandamızın bundan artığına gücü çatmayıb. Əksinə, matçın lap sonunda makedoniyalılar qapımızdan daha bir top keçirməyə nail olublar. Nəticədə, yığmamız meydanı məğlubiyyətlə tərk etmək məcburiyyətində qalıb.
Qeyd edək ki, Azərbaycan yığması Avstriya toplanışı çərçivəsində son matçını iyunun 3-də Kanadaya qarşı keçirəcək.
Yoxlama oyunu
29 may
Azərbaycan - Makedoniya - 1:3 (0:2)
Qollar: M.Radeski, 19 (0:1). Q.Pandev, 32 (0:2). Ə.İsmayılov, 73-pen. (1:2). İ.Nesterovski, 90+2 (1:3).
Hakimlər: Markus Hameter, Rolan Braunşmidt, Maksimilian Kolbitş, Manuel Şüttenqruber (Avstriya).
Azərbaycan: 23. Səlahət Ağayev, 2. Qara Qarayev, 3. Məhəmməd Mirzəbəyov, 5. Maksim Medvedev, 6. Bədavi Hüseynov, 7. Araz Abdullayev (18. Ağabala Ramazanov, 46), 11. Ruslan Qurbanov, 13. Dmitri Nazarov, 14. Rəşad Sadıqov (k), 17. Rəhman Hacıyev (28. Coşqun Diniyev, 46), 22. Əfran İsmayılov.
Ehtiyat oyunçular: 1. Kamran Ağayev, 12. Anar Nəzirov, 4. Pavel Paşayev, 10. Elvin Məmmədov, 15. Ruslan Abışov, 16. Tərlan Quliyev, 19. Rəşad Eyyubov, 20. Ufuk Budaq, 21. Murad Səttarlı, 24. Amil Yunanov, 25. Adil Nağıyev.
Baş məşqçi: Robert Prosineçki.
Makedoniya: 1. Stole Dimitrevski, 3. Leonard Zuta, 5. Kire Risteski (19. Deyan Peşevski, 46), 6. Vançe Şikov, 13. Stefan Ristovski, 4. Boyan Naydenov (18. Beşir Demiri, 83), 16. Enis Bardi, 7. İvan Triçkovski (20. Nikola Georgiyev, 59), 9. Aleksandr Traykovski (8. David Babunski, 59), 11. Maryan Radeski (17. Boban Nikolov, 46), 10. Qoran Pandev (k) (15. İliya Nestorovski, 73).
Ehtiyat oyunçular: 12. İqor Aleksovski, 14. Darko Velkovski, 2. Eqzon Beytulay.
Baş məşqçi: İqor Angelovski.
