Orxan Qurbanlı: Latviya klubu ilə yollarımızı ayırmışıq

Azərbaycanın gənclərdən ibarət yığma komandasının yarımmüdafiəçisi Orxan Qurbanlı Latviyanın "Dauqava" klubundan ayrılmasından, eləcə də müqavilə ilə məxsus olduğu "Neftçi"yə qayıtmaq şanslarından danışıb. Azerisport.az saytına açıqlamasında o, bunları söyləyib:

"Yenidən yığmaya dəvət aldığım üçün şadam. Düzünü deyim ki, millinin məşqçilər korpusunun çıxışımı izlədiyini bilirdim. Bu üzdən də milliyə dəvət almağım mənim üçün gözlənilməz olmadı. Komandamıza kömək etmək istəyirəm.

"Dauqava"ya gəlincə, artıq bu klubdan ayrılmışıq. Ola bilər ki, yenidən oraya qayıdaq. "Neftçi"yə qayıtmaqla da bağlı hələ dəqiq bir söz deyə bilmərəm. Öncə toplanışa yollanacağıq, yalnız ondan sonra burada qalıb-qalmayacağımız bilinəcək. İndidən nəsə demək tezdir".

Qeyd edək ki, Qurbanlı ilə yanaşı, Latviya klubunda Mirabdulla Abbasov da çıxış edirdi.