Samir Məsimov: Milliyə klubumda sabit çıxış edəcəyim halda dəvət gözləyə bilərəm

Sloveniyanın "Domjale" klubunun azərbaycanlı yarımmüdafiəçisi Samir Məsimovun azerisport.az saytına müsahibəsi

- Sloveniya çempionatındakı ilk mövsümdəcə bürünc medal qazanmağınızla bağlı nə deyə bilərsiniz?
- Bu nəticəyə görə şadam. Komandamız layiqli şəkildə üçüncü oldu. Amma daha yaxşı çıxış edə bilərdik. Ev oyunlarında həddən artıq çox xal itirdik. İstənilən halda, əsas hədəf avrokuboklara vəsiqə qazanmaq idi, buna da nail olduq.

- Növbəti mövsüm üçün planlarınız necədir
- "Domjale" ilə üç illik müqaviləm var. Heç bir yerə getməyə hazırlaşmıram.

- Mövsüm sizin üçün necə keçdi? Razı qaldınız?
- Məni son iki ayda zədələr və xəstəlik rəncidə etdi. Buna görə çox məşq, eyni zamanda oyunu buraxdım. Amma bütövlükdə, hər şeyin o dərəcədə pis olmadığını deyə bilərəm. Sadəcə, daha çox çalışmaq, artırmaq, irəliyə getmək lazımdır.

- Deməli, növbəti mövsüm sizi daha çox oynayan görəcəyik?
- Zaman göstərəcək (gülür). Mən də buna ümid edirəm.

- Yığmamızın Avstriya toplanışına dəvət almamağınıza üzülmədiniz?
- Mən onsuz da Robert Prosineçkidən dəvət gözləmirdim. Səbəbi sadədir: son zamanlar klubumda az oynayırdım.

- "Domjale"də mütəmadi əsas heyətdə oynayacağınız halda milliyə dəvət alacağınıza əminsiniz?
- Klubunda sabit oynamaq çox vacibdir. Yalnız belə olan halda millidən dəvət gözləyə bilərəm.

- Sloveniya çempionatına tam uyğunlaşa bilmisiniz? Növbəti mövsümün sizin üçün daha asan olacağını söyləmək olar?
- Bəli. Əvvəllər çətin idi, amma indi hər şey yaxşıdır. Özümü əla hiss edirəm.

- Harada istirahət edəcəksiniz?
- Moskvada.

- "Qarabağ"la "Neftçi" arasında baş tutacaq final oyunundan nə gözləyirsiniz?
- Fikrimcə, mükafatı daha çox arzulayan qazanacaq.