21 may 2016 11:30
Finalda anşlaq olacaq
Bu gün 17 yaşadək futbolçulardan ibarət yığmalar arasında Bakıda keçirilən Avropa çempionatına yekun vurulacaq. Azerisport.az xəbər verir ki, turnirin həlledici - final oyununda Portuqaliya və İspaniya yığmaları qarşılaşacaq.
"Bakcell Arena"da keçiriləcək görüşdə anşlaq gözlənilir. Belə ki, AFFA-nın ötən gecəyə olan məlumatına görə, satışda cəmi 140 bilet qalmışdı.
Qeyd edək ki, matçın baş tutacağı arena 10500 azarkeş tutumuna malikdir.
