Roman Qriqorçuk: İndi hər kəs üçüncü olmaq istəyir

"Qəbələ"nin baş məşqçisi Roman Qriqorçuk Topaz Premyer Liqasının 36-cı turu çərçivəsində qarşılaşacaqları "Kəpəz"lə oyun öncəsi fikirlərini bölüşüb. Azerisport.az saytına açıqlamasında o, bunları söyləyib:

"Üçüncü yer uğrunda mübarizə çox maraqlı olacaq. Belə bir oyununun olması faktının özü son tura marağı artırır. Hər iki komanda bu oyunda müsbət nəticə qazanmağa çalışacaq. İndi hər kəs üçüncü olmağı düşünür. Yaxşı oyun alınacaq. Əlbəttə, biz də bu görüşdən qalib ayrılıb, bürünc medallara sahib çıxmaq istəyirik".