Vəli Qasımov: Sumqayıta qalib gəlib, altıncı pilləni tutmalıyıq

"Neftçi"nin baş məşqçisi Vəli Qasımov Topaz Premyer Liqasının 36-cı turu çərçivəsində qarşılaşacaqları "Sumqayıt"la oyun öncəsi fikirlərini bölüşüb. Azerisport.az saytına açıqlamasında o, bunları söyləyib:

"Qələbə qazanmağa davam etmək istəyirik. Altıncı pilləni tutmaq özümüzdən asılıdır. AZAL-ın "Qarabağ"la necə oynayacağı barədə düşünmək istəmirik. "Sumqayıt" yaxşı komandadır və pis oynamır. Orada kifayət qədər yaxşı uşaqlar var ki, bizə çətinlik yaşada bilərlər. Amma bizə bu komandaya qalib gəlib, altıncı yeri tutmaq lazımdır. Erik Ramosun bu oyunda iştirakı sual altındadır. Əvəzində Xuan Alberto Melli ilə Nikolas Kanalesin sıraya dönməsi sevindirir".