Makedoniyanın millimizlə oyun üçün heyəti açıqlandı

Futbol üzrə Makedoniya yığmasının qarşıdakı Avstriya toplanışı və Azərbaycanla yoxlama oyunu üçün heyəti açıqlanıb. Azerisport.az xəbər verir ki, baş məşqçi İqor Angelovski heyətə 21 futbolçu cəlb edib.

Onların arasında "Qarabağ"da çıxış edən Muarem Muaremin adı yer almayıb.

Qapıçılar: Stole Dimitriyevski ("Qranada", İspaniya), İqor Aleksovski ("Makedoniya");

Müdafiəçilər: Leonard Juta ("Riyeka", Xorvatiya), Kire Risteski ("Vaşaş", Macarıstan), Stefan Ristovski ("Riyeka", Xorvatiya), Vanne Şikov ("Austriya", Avstriya), Darko Velkovski ("Vardar"), Qoko Zaykov ("Şarlerua", Belçika), Eqzon Beytulay ("Şkendiya");

Yarımmüdafiəçilər: Deyan Peşevski ("Podbrezova", Slovakiya), Enis Bardi ("Uypeşt", Macarıstan), Boban Nikolov ("Vardar"), Boyan Naydenov ("Rabotniçki"), Maryan Radeski ("Şkendiya"), David Babunski ("Srvena Zvezda", Serbiya), Nikola Georgiyev ("Qrasshoppers", İsveçrə), Ferhan Hasani ("Şkendiya");

Hücumçular: Qoran Pandev ("Cenoa", İtaliya), İvan Triçkovski (AEK, Kipr), Aleksandr Traykovski ("Palermo", İtaliya), İliya Nestorovski ("İnter", Xorvatiya)

Qeyd edək ki, Makedoniya - Azərbaycan matçı mayın 29-da keçiriləcək.