Muarem: Barselonadan dəvət alsam, düşünə bilərəm

"Qarabağ"ın yarımmüdafiəçisi Muarem Muarem bəyan edib ki, yayda Ağdam klubunu tərk etmək fikri yoxdur. Azerisport.az saytına açıqlamasında o, bunları söyləyib:

"Heç bir klubla danışıq aparmıram. Mövsümün sonunu gözləyirəm. Mövsüm bitən kimi baş məşqçi Qurban Qurbanov və klub rəhbərliyi qərarını açıqlayacaq. "Qarabağ" üçün yeni futbolçu deyiləm, əvvəllər də burada 3,5 il oynamışdım. Tədricən əvvəlki formamı da bərpa edirəm. Komandada qalmaq istəyirəm. Qarşıda bizi çempionatın son turu və kubokun final matçı gözləyir. Yalnız bu görüşləri düşünürəm. Başqa klublardan gələn təkliflərə gəlincə, "Barselona"dan dəvət alsam, düşünə bilərəm". (gülür)