PFL kubokun final matçında anşlaq gözləmir

Peşəkar Futbol Liqası Azərbaycan Kubokunun final matçına hazırlığı davam etdirir. Azerisport.az xəbər verir ki, "Qarabağ"la "Neftçi" arasında keçiriləcək oyun üçün satışa 23 000 bilet çıxarılıb.

Baxmayaraq ki, matçın keçiriləcəyi Tofiq Bəhramov adına respublika stadionu 31 min azarkeş tutur. Lakin PFL əvvəlki illərin təcrübəsinə əsasən arenanın tam dolacağına əmin deyil.

PFL hər klubun azarkeşlərinə maksimum 11 500 bilet ayırmağa hazırlaşır. Həmin biletlər bu həftə satışa çıxarılmalıdır.

Qeyd edək ki, final matçı mayın 25-də keçiriləcək və saat 20:00-da start götürəcək.