Şahin Diniyev: Onların uğuru təsadüfi deyil

Topaz Premyer Liqasının 35-ci turunda keçirilən “Zirə” – “Kəpəz” oyunundan sonra Gəncə klubunun baş məşqçisi Şahin Diniyev oyunla bağlı fikirlərini bölüşüb. Azerisport.az xəbər verir ki, o, bunları söyləyib:

“Öncə “Zirə”ni çempionatın gümüş medallarını qazanması münasibət ilə təbrik edirəm, komandaya gələn mövsümdə uğurlar arzulayıram. Onların uğuru təsadüfi deyil. Oyuna gəlincə, maraqlı matç oldu. Ön xəttdə yer alan iki əsas futbolçumuzu - Ebahla Ələsgərovu zədəyə görə itirməyimiz oyunumuza mane oldu. Oyunu taktiki cəhətdən elə qurmuşduk ki, ikinci hissədə nəticəyə oynamalı idik. Mənə elə gəlir buna da nail ola bildik. Son dəqiqələrdə yaranan vəziyyətlərdən istifadə edə bilməməyimizdən sonra gözlənilirdi ki, rəqib qol vuracaq. Təəssüflənməyə dəyməz, “Kəpəz” liderlərlə baş-başa oynamağı bacaran komandadır. Komandama təşəkkür edirəm, qələbə qazanmağa çalışdıq, amma alınmadı. Bir xal da bizim üçün dəyərlidir”.