Azərbaycanlı futbolçuların klubu yenə məğlub oldu

Latviya çempionatında 8-ci turun oyunları keçirilib. Azerisport.az xəbər verir ki, azərbaycanlı futbolçular - Orxan Qurbanlı ilə Mirabdulla Abbasovun komandası - "Dauqava" da növbəti matçına çıxıb.

Sözügedən komanda doğma meydanda "Metta/LU" ilə qarşılaşıb. Matç futbolçularımızın komandasının məğlubiyyəti ilə başa çatıb - 0:1.

Bu oyunda Mirabdulla start heyətdə meydana çıxıb və 70-ci dəqiqədə əvəzlənib. Orxan isə matçın 62-ci dəqiqəsində meydana buraxılıb.

Qeyd edək ki, geridə qalan turlarda cəmi 3 xal toplayan "Dauqava" 8 klub arasında sonuncu pillədə qərarlaşıb.