Draqan Çeran: Azərbaycan və Makedoniya çempionatları bir-birinə çox bənzəyir
"Simurq"un sabiq hücumçusu, bu mövsüm "Vardar"ın heyətində Makedoniya çempionu adını qazanan Draqan Çeran hazırda çıxış etdiyi ölkənin çempionatını Azərbaycan Premyer Liqası ilə müqayisə edib. Azerisport.az saytına açıqlamasında o, bunları söyləyib:
"Çempion olmaq çox xoş hisslər bəxş edir. "Vardar" layiqli şəkildə çempion oldu. Çünki bütün rəqiblərinə qalib gəldi. Mən 12 oyunda 5 qol vurdum. Azərbaycan və Makedoniya çempionatları çox bənzərdir. Amma maliyyə şəraiti sizin klublarda daha yaxşıdır. "Vardar"ın da "Qarabağ" kimi, böyük tarixi var. Bu iki klub UEFA Çempionlar Liqasının yeni mövsümündə qarşılaşa da bilər. Belə olan halda yenidən Azərbaycana gəlmək imkanı qazanaram. Fikrimcə, "Vardar"la "Qarabağ" arasındakı oyunlar maraqlı alınardı. Əlbəttə, biz "Qarabağ"a qalib gəlməyə çalışarıq".
