Nazarovun taleyinə millimizin toplanışından sonra aydınlıq gələcək

Almaniya mətbuatı bu ölkənin ikinci Bundesliqasında çıxış edən və elə də uğurlu mövsüm keçirməyən "Karlsrue"də yay fasiləsində ciddi dəyişiklərin olacağını yazıb. Azerisport.az xəbər verir ki, bu komandada çıxış edən Dmitri Nazarovun da klubla yollarını ayıracağı iddia olunur.

Hazırda bu komandanı son tur çərçivəsində "Arminiya Bilefeld"lə həlledici oyun gözləyir. Ondan sonra isə Nazarov millimizin Avstriya toplanışına qatılacaq. Dmitrinin "Karslrue"dəki taleyinə də tam olaraq, həmin toplanışdan sonra aydınlıq gələcək.

Qeyd edək ki, yığmamız mayın 23-dən iyunun 4-nə qədər Vyanada toplanışda olacaq. Bu müddət ərzində Andorra (26 may), Makedoniya (29 may) və Kanada (3 iyun) ilə yoxlama görüşləri baş tutacaq.