AFFA-dan Təbriz Həsənova yeni vəzifə

Azərbaycanın 17 yaşlılardan ibarət yığmakomandasının baş məşqçisi Təbriz Həsənov postundan ayrılacaq. Azerisport.az xəbər verir ki, buna AFFA rəhbərliyi ilə Məşqçilər Komitəsini bu gün baş tutan iclasında qərar verilib.

Amma o, üç ildir çalışdırdığı komandadan ayrı qalmayacaq. Məsələ burasındadır ki, AFFA Həsənovu U-18-ə baş məşqçi təyin edəcək.

Həsənovun U-17-dəki vəzifəsini isə U-16-nı çalışdıran Rafiq Mirzəyev tutacaq.

Qeyd edək ki, AFFA bu təcrübədən yararlanmaqla həmin mütəxəssislərin onların daha yaxından tanıdıqları futbolçulardan ayrı düşməməsinə çalışır.