"Uğurlu çalışsam, Azərbaycan millisinin sükanı arxasında daha uzun müddət qala bilərəm"

Çimərlik futbolu üzrə Azərbaycan yığmasının yeni baş məşqçisi təyin olunan Zeynal Zeynalov buna münasibətini açıqlayıb. Azerisport.az saytına açıqlamasında o, bunları söyləyib:

"Ze Migelin baş məşqçi postundan niyə getdiyinin səbəbini bilmirəm. Bu postu mənə ilin sonuna kimi həvalə ediblər. Bu ilin sonunda bizi Avroliqa və dünya çempionatının oyunları gözləyir. Ümidləri doğrultsam, istisna deyil ki, mənimlə əməkdaşlığı davam etdirməkdə maraqlı olsunlar. Oyunçu karyerama gəlincə, bu təyinatdan sonra onu başa vurmağa qərar verdim. Çünki eyni vaxtda ikisini də həyata keçirmək çətin olardı".