AÇ-2016-nın son 1/4 finalçıları da bəlli oldu

Azərbaycanda keçirilən 17 yaşadək futbolçular arasında Avropa çempionatında qrup mərhələsinə bu gün yekun vurulub. Azerisport.az xəbər verir ki, "C" və "D" qrupları çərçivəsində baş tutacaq son oyunlarla 1/4 finala vəsiqə qazanacaq bütün kollektivlərin adına aydınlıq gəlib.

Öncə "D" qrupunda İspaniya - İtaliya və Serbiya - Hollandiya duelləri baş tutub. 6 qolun vurulduğu ispan-italyan duelində qələbə birincilərə qismət olub və bu komanda qrup lideri kimi növbəti mərhələyə yüksəlib. Digər oyunda isə hollandlar inamlı qələbə sayəsində qrup ikincisi olublar.

Axşam saatlarında isə "C" qrupunda İsveç Fransa ilə, Danimarka da İngiltərə ilə üz-üzə gəlib. Son oyunlarını da qalib başa vuran İsveç və İngiltərə yığmaları pley-off mərhələsinə vəsiqəni təmin ediblər.

17 yaşlıların Avropa çempionatı
Qrup mərhələsi
12 may
 
D qrupu

İspaniya – İtaliya - 4:2 (0:0)
Qollar: Dias, 44 (1:0). Qarsiya, 59 (2:0). Olivyeri, 65-pen. (2:1). Pinamonti, 72 (2:2). Ruis, 76 (3:2). Lozano, 80+1 (4:2).
Baş hakim: Petr Ardeleanu (Çexiya).
Bakı. “Azərsun Arena".

Serbiya – Hollandiya - 0:2 (0:0)
Qollar: İliç, 72-öz qapısına (0:1). Vente, 80+1 (0:2).
Baş hakim: Qunnar Yarl Yonsson (İslandiya).
Bakı Olimpiya Stadionu.

"D" qrupundakı yekun vəziyyət: İspaniya - 7, Hollandiya - 6, İtaliya - 3, Serbiya - 1.

C qrupu

İsveç - Fransa - 1:0 (0:0)
Qol: Berqqvist, 45 (1:0).
Baş hakim: Bartoş Frankovski (Polşa).
Bakı. "Azərsun Arena".1

Danimarka - İngiltərə - 1:3 (0:1)
Qollar: Nelson, 30 (0:1). Munt, 51 (0:2). Hirst, 78 (0:3). Odqaard, 80+1 (1:3).
Baş hakim: Peter Kraloviç (Slovakiya).
Bakı Olimpiya Stadionu.

"C" qrupundakı yekun vəziyyət: İsveç - 6, İngiltərə - 6, Danimarka - 4, Fransa - 1.