Millimiz son oyunda qalib gəldi, 4 komanda pley-offa yüksəldi
17 yaşadək futbolçular arasında Azərbaycanda keçirilən Avropa çempionatında bu gün "A" və "B" qruplarında son turun görüşləri baş tutub. Azerisport.az xəbər verir ki, millimizin də taleyinə məhz bu gün aydınlıq gəlib.
Azərbaycan millisi həlledici görüşdə Şotlandiya ilə qarşılaşıb. Eyni vaxtda qrupumuzun digər oyununda Portuqaliya Belçika ilə üz-üzə gəlib. Yığmamızın qrupdan çıxması üçün Şotlandiyaya mütləq qalib gəlməsi, portuqalların isə Belçikanı darmadağın etməsi lazım idi. Amma təəssüf ki, digər oyunda arzuladığımız nəticə qeydə alınmayıb. Millmizin rəqibləri qolsuz heç-heçəyə razılaşıblar. Azərbaycan yığması isə Şotlandiya ilə oyunda qalib gələrək, turniri qrup üçüncüsü kimi tərk edib.
B qrupunda isə Bosniya və Herseqovina Ukrayna ilə, Almaniya da Avstriya ilə münasibətlərinə aydınlıq gətirib. Bosniyalılarla almanlar son turda qələbə qazanıblar. Yeri gəlmişkən, Almaniya yığmasının son qolunu Azərbaycan əsilli futbolçu Renat Dadaşov vurub. Bu nəticələrdən sonra Almaniya birinci, Avstriya isə ikinci yerlə növbəti mərhələyə vəsiqə qazanıb.
17 yaşlıların Avropa çempionatı
Qrup mərhələsi
11 may
A qrupu
Şotlandiya - Azərbaycan - 0:1 (0:0)
Qol: F.Nəbiyev, 79 (0:1).
Baş hakim: Sveyn Erik Edvartsen (Norveç).
Bakı. "Bakcell Arena".
Şotlandiya: 12. Kiran Rayt, 2. Den Meredit, 4. Eyden Uilson, 5. Deniel Baur, 7. Cek Eytçison, 8. Freyzer Hornbi, 10. Liam Bert (k), 13. Zak Radden, 14. Kayl Makallister, 16. Konnor Maklennan, 18. Liam Heqarti.
Ehtiyat oyunçular: 1. Eyden Makadams, 6. Qlenn Middlton, 9. Luis Morrison, 11. Li Konnelli, 15. Cek Adamson, 17. Brok Uotson.
Baş məşqçi: Skot Qemmill.
Azərbaycan: 22. Murad Popov, 2. Hüseyn Seyliqli, 3. Ricat Qarayev, 5. Elçin Əsədov (k), 6. İbrahim Qədirzadə (11. Nadir Qasımov, 66), 7. Fərid Nəbiyev, 8. Mətin Gülər, 9. Doğukan Öksüz (16. Murad Mahmudov, 31), 10. Pilağa Mehdiyev, 14. İsmayıl Karakaş, 18. Süleyman Əhmədov.
Ehtiyat oyunçular: 12. Kamran İbrahimov, 13. Bahadur Həziyev, 15. Ceyhun Muxtarlı, 17. Barış Əkinciər, 19. Ege Atlam.
Baş məşqçi: Təbriz Həsənov.
Portuqaliya - Belçika - 0:0 (0:0)
Baş hakim: Ville Nevalaynen (Finlandiya).
Bakı. “Dalğa Arena”.
A qrupundakı yekun vəziyyət: Portuqaliya - 7, Belçika - 5, Azərbaycan - 4, Şotlandiya - 0.
B qrupu
Bosniya və Herseqovina - Ukrayna - 2:1 (2:0)
Qollar: Haciç, 38 (1:0). Haciç, 40+1 (2:0). Kulakov, 69 (2:1).
Baş hakim: Fran Yoviç (Xorvatiya).
Bakı. "Bakcell Arena".
Almaniya - Avstriya - 4:0 (3:0)
Qollar: Mayzl, 3-öz qapısına (1:0). Akkaynak, 25 (2:0). Haverts, 32 (3:0). Dadaşov, 80+1 (4:0).
Baş hakim: Mitya Jqaneç (Sloveniya).
Bakı. “Dalğa Arena”.
B qrupundakı yekun vəziyyət: Almaniya - 7, Avstriya - 6, Bosniya və Herseqovina - 3, Ukrayna - 1.
