Qarabağ Avstriya Kubokunda finala yüksəldi

Vyananın "Qarabağ" klubu həvəskarlar arasında Avstriya kubokunun finalına yüksəlib. Azerisport.az xəbər verir ki, yarımfinalda "Mannsvort"u 5:1 hesabıyla məğlub edən "Qarabağ" hazırda finaldakı rəqibini gözləyir.

Rəqib isə "Admira Texnopol" - "Gersthofer" cütünün qalibi olacaq. Həlledici qarşılaşma ölkənin baş arenası olan "Ernst Happel"də keçiriləcək.

Qeyd edək ki, "Qarabağ" Avstriyanın gücünə görə beşinci liqasında mübarizə aparır.