Azərbaycanlı futbolçuların klubu yenə məğlub oldu

Latviya çempionatında 7-ci turun oyunları keçirilib. Azerisport.az xəbər verir ki, azərbaycanlı futbolçular - Orxan Qurbanlı ilə Mirabdulla Abbasovun komandası - "Dauqava" da növbəti matçına çıxıb.

Sözügedən komanda doğma meydanda "Liepaya" ilə qarşılaşıb. Matç futbolçularımızın komandasının məğlubiyyəti ilə başa çatıb - 0:3.

Bu oyunda Mirabdulla start heyətdə meydana çıxıb və 86-cı dəqiqədə əvəzlənib. Orxan isə matçın 56-cı dəqiqəsində meydana buraxılıb.

Qeyd edək ki, geridə qalan turlarda cəmi 3 xal toplayan "Dauqava" 8 klub arasında sonuncu pillədə qərarlaşıb.